Álfalundur , Akranes

Verð: 57.000.000


Tegund:
Parhús
Stærð:
167.30 m2
Inngangur:
Margir inngangar
Herbergi:
4
Byggingarár:
0
Svefnherbergi:
3
Fasteignamat:
5.820.000
Baðherbergi:
2
Brunabótamat:
0
Stofur:
1
Bílskúr:

Staðsteypt parhús á einni hæð með 3 svefnherbergjum, 2 baðherbergjum og 36,9 fm bílskúr. 
Húsið getur verið afhent á byggingastig 5 í janúar 2020.  Þ.e. tilbúið til innréttinga og þá geta kaupendur sjálfir valið t.d. gólfefni, innréttingar og allt þeim tilheyrandi (blöndunar- og hreinlætistæki ofl.) 

Skilalýsing
Álfalundur 2
 
Almennt um byggingarmáta og verkstöðu er miðað við byggingu sem tilbúin er til innréttinga (Byggingarstig 5 – samkvæmt ÍST 51:2001). Í einhverjum tilfellum nær byggingarstaða verkþátta lengra en tilgreint er í ÍST 51. Frágangur miðast við samþykktar og stimplaðar teikningar.
 
Opinber gjöld:
Seljandi hefur greitt byggingaleyfis- og gatnagerðagjöld, auk inntaks- og tengigjöld vegna heits og kalts vatns, fráveitu og rafmagns.
Önnur opinber gjöld greiðir seljandi ekki, þ.m.t. skipulagsgjald sem er 0,3% af brunabótamati.
 
Uppbygging, efni, innra skipulag:
 
SÖKKLAR OG PLATA:
Sökklar eru úr járnbentri steinsteypu og einangraðir með 100mm, 16 kg plastplötum inni í miðjum sökkli. Plata er úr járnbentri steinsteypu og einangruð með 100mm, 24 kg plastplötum undir plötu. Tekið er út fyrir niðurföllum í sturtum og gólfhalli mótaður gróflega í sturtubotna og að niðurfalli í bílskúr.
ÚTVEGGIR:
Útveggir eru staðsteyptir og einangraðir með 100 mm, 16 kg plastplötum inn í miðjum útvegg. Útveggir eru slípaðir niður og filteraðir með ljósu steiningarlími.
GLUGGAR OG ÚTIHURÐIR:
Gluggar eru viðhaldslitlir ál-timburgluggar, gráir að lit frá Rationell (RAL 7016). Álkápa er á utanverðum gluggum.  Gluggar eru smíðuð úr fúavarinni furu og opnanleg fög úr O.Pine. Gler í gluggum er slétt, glært K-gler. Útihurðaflekar eru smíðaðir úr O.Pine og karmar úr fúavarinni furu. Gler í útihurðum er slétt, glært K-gler. Bréfalúga er í karmi við hlið anddyrishurðar. 3ja punkta læsing er á hurðum. Svalahurð er með álramma og perlugleri í gluggum. Bílskúrshurð er fjórskipt, grá að lit (Ral 7018) með sjálfvirkum bílskúrshurðaropnara. Að innan eru gluggar og útihurðir málaðar hvítum lit.
ÞAK:
Þak er hefðbundið mænisþak með 14 gráðu halla og klætt með grálitaðri álklæðningu (Alu-zink RAL 7011).  Kantar eru klæddir með bandsagaðri furu sem eru fúavarðir og málaðir einni umferð með gráum lit.  Þakrennur og niðurföll eru úr áli með áþekkum lit og þakjárn.
Einangrun í þaki er 220 mm þakull með áföstum pappa. 
LAGNIR:
Frágangur neyslu- og fráveitulagna verður samræmi við samþykktar teikningar. Allar neysluvatnslagnir eru lagðar í og undir gólfplötu, frá staðsetningu tengigrindar að staðsetningu hvers tækis og tengikrana, svo kallað “rör í rör” kerfi. Dreifikista og annar búnaður þ.m.t. forhitari eru fullfrágengið við inntaksgrind. Ídráttarrör eru lögð að væntanlegri staðsetningu heits potts aftan við hús. Gólfhitalagnir eru steyptar í gólfplötu en snjóbræðslulagnir liggja undir steyptu bílaplani og hellulögn framan við húsið.
Fráveitu- og drenlagnir eru tengdar í brunna og þaðan í fráveiturör Veitna í götu.
Lokið er að steypa rafmagnsdósir og ídráttarrör í steypta veggi samkvæmt teikningum. Loftadósum og dósum fyrir rofa og tengla hefur verið komið fyrir samkvæmt raflagnateikningum.
Ídráttarrör fyrir hugsanlega garðlýsingu og bílahleðslustöðu eru fyrir framan húsið (götumegin) og ídráttarrör fyrir garðlýsingu/heitan pott garðmegin. 
LOFTRÆSTING: LÉTTIR MILLIVEGGIR:
Loftræsing er mest um opnanlega glugga en lokuð rými eru loftræst með túðum.
LÉTTIR MILLIVEGGIR:
Allir léttir milliveggir eru byggðir úr álstoðum og einangraðir með viðeigandi þykkt af þilull. Álstoðir eru klæddar með 12 mm grenikrossvið og gipsplötum utanvert. Innan baðherbergis er klætt rakavörðu gipsi.
Lokið verður við að spartsla og grunna alla veggi fyrir málningu.
LÓÐARFRÁGANGUR:
Grafið er niður á fastan jarðveg fyrir húsi og bílastæðum og hluta veranda. Malarfylling nær um 1,5-2 metra frá sökklum allan hringinn en um 2,5 metra aftan við hús þar sem fyrirhugaðar verandi verða. Lóð verður jöfnuð út í endanlega hæð samkvæmt lóðablaði og tyrfð ef vetur leyfir. Bílastæði verða steypt og hellulögn frágengin að framanverðu.
Undirlag undir sorpgreymslur verður frágengið.
 
Það sem upp er talið hér fylgir með húsunum. Annað, sem ótalið er, þó sýnt sé á teikningum s.s. verönd, skjólveggir að framanvörðu, sorpgeymslur o.fl. fylgir ekki.
 
 




Kirkjubraut 40 - 300 Akranes – Sími 431-4144 – fastvest@fastvest.is - fastvest.is